s

s

onsdag 23. april 2014

Sommer i april.

Her går det fint. Sommer i april. Er absolutt i rute i hagen.
 Er no trøytt etter ein god dag i sola.
 Slenger inn litt bilder . Glimt frå runden eg hadde i hagen ved solnedgang.
 Fort og gale. Men fint. Håper eg.




Mine hageaurikler :





















Fylte kvitveis :


Ruteliljer


Og litt løkblomstring:





Ha det godt i hagen !!

søndag 6. april 2014

Etter sol kom regn.

Her har godværsperioden gått over i regn.  For meg har dette også vore ein "i bra form periode". Heilt fantastisk bra periode.
 Kanskje regnet kom for å hjelpa meg å vatna
 buksbomhekken min ??


Sånn blei det til slutt. Eg er godt fornøyd. Kan berre ynskja meg at hekken veks raskt, men det er vel for mykje å venta av denne hekken......
I forfjor fekk eg tak i kvit bergenia og den starter med blomstring no . Den er  sååå fin synest eg.



Den veks på ei lita berghylle i ca 15 - 20cm med mold og der liker den seg visst. Har også den lilla sorten. 
Ei plante eg varmt anbefaler.
Til slutt litt blomstring frå hagen tatt nett før regnet kom :









torsdag 3. april 2014

Lurt ?

 Her langs gjerdet skal det koma hekk. 
Planen min om buksbom-hekk vart satt ut i livet for to dager sida. Reiste å handla inn , fort og kanskje gale !!
I går starta eg å planta ut og fekk meg ei overasking då eg "spretta" pottene. For der såg det sånn ut :







Det er ikkje det at eg ikkje veit at eg bør sjekka om røttene kjem ut av pottene og er friske osb. Har gjort det så mange ganger. Aldri har eg funne dårlige varer. Men altså denne gangen, då eg absolutt burde sjekka, såg det slik ut. Eg håper det likevel går bra. Plantene er planta ut , vatna og gjødsla .
 Håper hellet er på mi side denne gangen. 


tirsdag 1. april 2014

Koslig hagebesøk

Idag har eg hatt koslig hagebesøk. To flotte damer som eg har felles interesser med. Me har prata oss varme på hage, helsa og livet ellers. Avslutta med litt staude-deling og for at dei skal få sjå kva dei har fått legg eg ut desse bileta:


 Høstanemone øverst og nellik under.



(Den blå lerkesporen fann eg ikkje bilde av. Heller ikkje den vesle krypande som får gule blomer. Skal leita fram navn på den seinare.)

Her er auriklene som eg har etter svigermor. Dei blømer ikkje enda men dei er kjempefine.


Og så var det den me ikkje klarte å koma på navnet på: Er det ikkje akeleiefrøstjerne den heiter ?
Så om nokon andre har lyst på eit hagebesøk hos meg. Ta gjerne kontakt så ordner me det !!

søndag 30. mars 2014

Sol ute, sol inne

Sol i hjertet, sol i sinnet !!
Ja, akkurat sånn er det eg har det no.
Nydleg sol i fleire dager etter kvarandre er heilt fantastisk.
Eg har tilbrakt ein del timer i hagen. Nokre i arbeid, andre med kvila. Ein god stol som eg nesten kan ligga i er eit "must", akkurat som gode redskaper til resten av jobben !!
Prosjekt enklare stell av bed er fokus.



 Det er fleire måter å gjera det på. I vrihassel-bedet har eg lagt ned fiberduk og eit godt lag med bark. Eg har fjerna ein del stauder. Nederst er det to rose-busker og ein lavendel som er nye her. Spennande om dei vil trivast. Ellers laga eg hol i fiber-duken til løkplantene som stod her og også helleborusen som veks til venstre for vri-hasselen.



 I "hulrom" i berget har eg fylt opp mold og planta stauder som eg har gravd opp andre stader i hagen. Også noko eg har planlagt lenge så det er fantastisk godt å få det gjort.Her er det lett å ta eventuelt ugras. Ei krukke med buksbom har også fått sin plass her. Fint med ein vintergrønt innslag mot det grå berget.

Denne gode gamle stauda som eg ikkje hugser namnet på, har fått plass her. Det har og oktober-bergknapp, kinasøte, aurikler , veronika og "humleblom".


På andre sida av vrihasselen veks blant anna to typer iris. Her er også plass til ei staude til.
 Også i dette bedet, som no er blitt rododendron-bedet, har eg lagt fiberduk og bark. Eg har flytta desse rododendronane no, akkurat før bløming, men slik måtte det bli for at eg skulle få dette gjort. Krysser fingre og håper det går bra. Her er også ein japan-kristorn og ein stor lavendel som stod der frå før. Saman med desse har eg planta nokre hosta-planter og gras for å fylla ut innimellom.
Også her fekk eg fyllt opp i "hulrom" i berget og satt ned stauder, blant anna humleblom, hosta og ei ukjent staude. Litt spenning må ein jo ha !! Om de ser godt etter ser de at eg ikkje er ferdig å barka her. Rundt omkring ligg det mykje rot som redskap, mold, bark, og grønne kasser der eg samler stauder som eg har gravd opp. Her trengst meir arbeid for å bli ferdig og eg bruker ikkje krefter unødig på rydding nå eg planlegg å gå i gang igjen i morgon. No er eg sliten og ligg til lading i sofaen.
Dette var noko av det eg har gjort denne veka.  Så får eg snakka om myske-bedet og den nye bøk-hekken min ein annan dag....
Ha ei fin veka !

lørdag 22. mars 2014

Mange bekker små....

"Mange bekker små, blir en stor å"
Tenker på det ordtaket innimellom. Har klart å vera ute i hagen tre ganger denne veka, små økter , mange pauser. Men det er verdt det, det blir gjort noko på den måten og !! 

I går, i kveldinga, viste jammen sola seg litt og. Fantastisk. Ja, for det har vore ei våt veka, til tider veldig våt. Også no drypper det stort og vått ute.
Inne er eg, og er ganske fornøyd med det eg har fått gjort i hagen denne veka. Bæring av stein, mold. Fjerne ugras og gamle planter. Begynna på nytt. Planta nye planter, planta noko eg hadde frå før. Tar nok nokon år før det blir så tett som eg vil ha det .

Har tenkt å plassera ein kvit vårlyng - Erica mellom hemlokken og kristornen. Den skal også få bre seg utover. I bak-kant opp mot stolpa-muren sette eg ned nokre iris som eg skulle flytta på eller ta vekk uansett. Dei kan få stå der og dekka til litt no i byrjinga. Iris er ein sånn blom som eg ikkje veit heilt om eg skal lika eller ikkje....



På høgre sida sette eg ned mange kuleprimula. Ei stor tua som eg delte opp i mange små. Dei skal få lov å bli bunndekke med sine fine lysegrønne blad. Flotte blomer har dei jo også. Sette også ned noko i framkant, i ei blanding av torv og mold. Eit par små planter til er på plass,- får sjå om det blir noko av dei. I den gamle "torv-muren" har eg klipt  ned mosen og lyngen. Håper det gjer at mosen kjem fint tilbake. Ellers har det også spirt lyng der, så kanskje den dukker opp igjen.



Det som står igjen no er planting av den Ericaen som eg nemde. I tillegg kjem eg til å dekka litt med duk, bark og stein. 
Det skal visst vera betre værmeldinger for neste veka. Om sola kjem , og det blir litt varmare så blir det fantastisk flott hagevær.
God helg til gode hagevenner !!