Vårarbeid i null grader.

Nydleg sol, litt vind og rundt null grader ute.

Me er komen langt ut i mars og då er det vel på høg tid med litt vårarbeid ?

Med tele i jorda var det busker som måtte til verks i dag.

Einer busker midt i bildet er alt godt klipt ned . Kvileplass til meg på saua-skinnet på stein-benken. Pauser må nemleg til. Og meir skal det klippast.

Under eineren er ei lita berghylle og der fekk eg auge på :

Små grøne spirer !

Det er mysken som er på veg. Håper den tåler at eg fjerna noko av lyet den hadde bak eineren.

Det er godt å vera ute og arbeida i hagen igjen !

Trollhassel i sol og snø

              " Välkommen åter snälla sol,

          som jagat nordanvinden;

          nu har du sovit sen i fjol

          och vaknar röd om kinden.

          Värm upp vår jord, så växer råg

          och fyller bondens lada;

          värm sund och vik och vind och våg,

          så få vi gå och bada.

          Välkommen åter snälla sol,

          lys över land och vatten;

          nu klingar sång, nu stäms fiol,

          nu dansas hela natten."

Denne delen av eit dikt av Strindberg, traff meg . Akkurat dette eg ynskjer meg jo. Sola som varmer og tiner jorda, sakte men sikkert blir det vår igjen.

Mandag og i dag var slike flotte sol-dager . To cm mold vart tint sånn ca.. ... Jada, eg stakk  fingeren i molda !!

Gul trollhassel mot blå himmel.

Nytelse !!

Andre grøne spirer har vakna frå vinterdvalen. 

Til venstre er kuleprimulaen på veg. Artig å sjå kor alle blada ligg ferdig nede mellom dei ytterste blada.  Til høgre nedanfor viser tulipanblad.

Fleire stauder er også byrja å visa grønt, små spede spirer. Utruleg at slike små spirer kan vera så kjekke å sjå.

 Det er tid for å gå jamnlege hagerunder no.

Så kom tirsdag og mange fleire kalde grader helste på. Eit lite tynt snølag la seg over spirer og busker.

Ingen sol som varma, men lette små fnugg la seg rundt oss. 

Blomane på trollhasselen samla snø.

I dag onsdag var snøen borte og sola varma igjen. Blomen på trollhasselen såg veldig pjusk ut i dag, er spent på korleis det går.  

Må visst visa fram kornellen min også , den med dei fine raude greinene. Flott busk å ha om vinteren synest eg !!

Og rododendronen står i startgropa :

Våryr i kuldegrader.

Travle tider i tunet her. Fokus er på heilt andre ting enn hage. Men i hovudet og i hjarta svirrer hagetanker og kjensler. Når sola varmer kjenner eg godt kva det er eg venter på. Vinteren i år har vore kald med fleire minus-grader enn nokon gang. Aldri har det vore så kaldt i min hage. Heller ikkje har det vore særleg med snø. Barfrosten har fått godt tak. Jorda i hagen min er så hard som den aldri har vore.

Midt oppi dette står troll-hasselen og lyser så gul og fin. Heldig eg som fekk denne busken. Ikkje visste eg at den skulle lysa slik opp og spre håp om liv og vekst i hagen også dette året.

Nede i gamlehagen veks snøklokkene. Ikkje så storvokste som desse frå i fjor , Men dei blømer også i år.  Og julerosene blømer jo . 

Andre vårblomer får me enno venta på ei stund.

Og den venter ikkje forgjeves som venter på noko godt. 

Barfrosten er lite eg kan gjera noko med. Eg er uroa for mine vintergrøne bladvekster som no framover får nokså varm sol på seg om dagane , og så har dei ingen mulighet til å drikka vatn då jorda rundt røttene er frosen. Dei vert då uttørka. Veit det skal hjelpa med tildekking, men må sei at den jobben kjennest for stor. Kanskje dekka til dei eg er mest redd for ? Har høyrt det skal hjelpa å dusja dei og . Kanskje det er ei løysing eg kan gå for ? Nokon som har erfaring med tildekking og/eller dusjing ?

Det blir vel å venta og sjå tenkjer eg. Håper likevel det blir rododendron bløming her hos oss i år og. 

Nytt gamalt møbel !!

Dei første bloggane eg las, handla for det meste om interiør. Etter kvart fekk eg lyst å blogga sjølv. I starten laga eg litt interiør-innlegg. Men no er det sjeldan. 

I dag vil eg visa fram mitt nye møbel som er gammalt. Det er svigerfar som har laga det. Han var ein flink møbel-snekker.

Møbelet er nybeisa i ein litt mørkare brunfarge enn det var. Eg er så fornøyd. har venta fleire år på å få dette på plass !!Så eg koser meg.  No sitte eg i sofaen og dette er utsikten min :

Eg ramser opp :

Nytt eikebord til jul. 

Ny ovn og stein på muren i haust.

Rød farge på veggen og kvitmalte dører, nytt i haust.

Og nedanfor det nye teppet i ull, godt og varmt. Julepresang til meg.

Som de sikkert forstår er eg ingen tilhenger av heilt kvitt interiør. Nei, eg liker litt farger og eg liker å gjera litt forandringer. Den rød veggen har hatt ein del farger dei 20 åra me har budd her, for å sei det sånn. Er det ein ting eg har lært av å lesa interiørblogger og blad  så er det at det blir ofte best om ein held på sin eigen stil. Det er jo eg som skal bu her  og trivast her !!

Til slutt litt detaljer frå det nye møbelet. Tulipanbuketten fekk eg i dag, er jo morsdag !!

Interiør i dag altså, men er nok snart tilbake med hage-innlegg.  For om eg synest det er kjekt med interiør så er nok hage favoritten, heilt klart.

Grønt i alle varianter.

 Av og til, om sommeren, tenker eg at alt det vintergrønne eg har i hagen tar opp plass for fine blomer. Men om vinteren kjem det grønne til sin rett . Den høge grønne er tuja -smaragd. Ved sida av, den blågrønne, er ein einer . Den låge til venstre er peppermyntebusk som blømer i kvitt. Den blågrønne ved sida av er ein type einer. Den koparbrune heiter  Biota trur eg. Den er grønn på sommeren men får denne vakre koparfargen når det blir kaldt nok. Flott å plasera saman med anna vintergrønt .

Artig var det å oppdaga at graset mitt også er friskt og grønt, eller svart som på det første bildet. Dette svarte graset har eg hatt før. Då tørka det  ut kvar vinter, mykje pga. fugl som rota rundt i jorda slik at røtene kom opp. No ser det ut til at det går bra. Mange av gras-plantene mine klarer seg fint, så eg gler meg til å sjå korleis dei utvikler seg neste sommer.

Rusler rundt i hagen no og tenkjer på kva eg skal gjera når berre mildværet får ta tak.

Og eg gler meg !!

På glattisen blant vindmøller

 Det er fantastisk å få høve til å setja seg i ein bil og få koma opp i fjellet. Formen min tilseier ikkje lange utflukter på eigne bein.. Med mann som arbeider i vindmølleparken får eg bli med av og til. Og det nyter eg !!

I dag var Stine og Happy-hunden med. Og skeiser. Og kvikk-lunsj. Og så kom mannen og tok nokre runder på skeisene han og.

Jerven-duken , som min kjære mann fekk til jul av meg,

 fekk eg testa.

 Godt å krypa inn i den når vinden etter kvart tok godt.

 Enno betre og varmare vart det når eg fekk selskap i posen, 

er plass til to !!

Solnedgangen var nydleg.

Me nyter vinterværet så godt me kan !

Kalde juleroser.

Hageåret 2012 har starta , kaldt !

Etter nokre dager med mildvær rett etter nyår, er det no kaldt. Medan det enno var mildt stod julerosene så fint, og trollhasselen viste fram litt gult på ein blom som for å fortella at den vil blomstra i år og. No henger julerosene igjen, liker ikkje desse kuldegradene så godt.

Kjekt å ha desse å fylgja med på. Må nok snart ned i gamlehagen og sjå etter dei fyrste snøklokkene og.